Cidadanía
Apoiando o proxecto de vida de cada persoa
As persoas con discapacidade intelectual son cidadáns de pleno dereito, que se relacionan e interactúan no só coa súa familia, senón tambén con outras persoas da súa contorna.
Nembargantes, históricamente o colectivo sufriu unha estigmatización debido á súa discapacidade, considerando que no podían decidir por sí mesmas, infantilizándoas e impedindo o desenvolvemento da súa autonomía e independencia.
O PROGRAMA DE CIDADANÍA EN FADEMGA PLENA INCLUSIÓN GALICIA
O noso programa de cidadanía activa baséase no empoderamento das persoas con discapacidade intelectual, persegue a promoción da súa participación inclusiva na vida política e pública e a mellora do seu benestar físico e emocional.
Para cumprir este propósito organizamos actividades relacionadas coa defensa e protección dos dereitos e a autodeterminación, facemos xornadas e encontros para xerar coñecemento e compartir experiencias, poñemos en marcha iniciativas destinadas a mellorar o benestar físico e emocional, promovemos espazos informativos e formativos sobre sexualidade....
Asemade, tamén apostamos pola formación a profesionais de apoio e outros grupos de interese en temas como: autodeterminación, dereitos, participación pública, sexualidade, saúde, abuso... ao tempo que elaboramos materiais accesibles e contribuímos a crear un fondo documental para as persoas con discapacidade intelectual e/o do desenvolvemento, relacionado coa cidadanía.
Dentro deste programa destacan especialmente os gupos de persoas autoxestoras e os grupos de pensamento libre, ambos destinados ao fomento da libre expresión, o pensamento creativo e crítico e a participación social das persoas con discapacidade intelectual.
PUBLICACIÓNS RELACIONADAS
Nesta ligazón podes consultar diferentes publicacións do noso movemento asociativo relacionadas co ámbito da cidadanía.
FINANCIACIÓN E COLABORACIÓN
Este programa está financiado pola Consellería de Política Social e Igualdade da Xunta de Galicia dentro da convocatoria de subvencións destinadas á realización de programas de interese xeral para fins de carácter social con cargo á asignación tributaria do 0,7% do imposto sobre a renda das persoas físicas e do imposto de sociedades.
