Maternidade – Paternidade En Persoas Con Discapacidade Intelectual

Datos Xerais:

Categoría: ÁREA SOCIAL

Publicado: 2019

Autoría: Xabier Etxebarría

Publicación para: administracións públicas , empresas , familias , persoas con discapacidade , profesionais

Organización: FADEMGA Plena inclusión Galicia

Tema: Ética

Descrición:

Ningunha consideración sobre o tema da maternidade-paternidade das 
persoas con discapacidade intelectual pode ignorar que remite a un dereito, 
recoñecido especificamente pola ONU e ratificado por España. A reflexión que 
aquí se ofrece se enraíza na asunción deste dato básico. Unha asunción: a) 
que se pretende, á vez, empática e lúcida; b) que pon en interconexión o 
que implica este dereito coas demandas doutros dereitos en xogo, 
especialmente os dos futuros fillos –de acordo co principio de interdependencia 
de dereitos-; c) que resalta decididamente os apoios e os 
acompañamentos que, asentados na xustiza e a solidariedade, corresponde 
ofrecer á sociedade en xeral e ás institucións públicas en particular 
cando se expón o exercicio, ou mesmo a inhibición, deste dereito; d) que 
considera o desfrute deste dereito, por parte das persoas con discapacidade 
intelectual, no marco xeral do seu desfrute por parte do 
conxunto da poboación. 
A conclusión á que se chega é que haberá persoas con tales circunstancias de discapacidade 
intelectual que, contando con apoios adecuados razoables, teñen 
suficiente competencia para exercer o dereito á paternidade, para ser 
excelentes pais e nais; mentres que haberá outras circunstancias nas que 
é desaconsellable que se aboque ao exercicio da paternidade-maternidade, non 
só pensando no ben do futuro neno e o desfrute dos seus dereitos, senón no 
ben da propia persoa con discapacidade.  Unha conclusión como esta pide 
discernimientos e procesos que, á súa vez, reclaman acompañamentos adecuados 
e firmemente personalizados. Nesta reflexión ofrécense orientacións 
xerais para eles; a tarefa que queda pendente é concretalas en guías 
de boas prácticas que estean moi atentas á complexidade e pluralidade da 
realidade.