Manual de uso da Escala de avaliación de necesidades familiares (maiores de 18 anos)
Datos Xerais:
Categoría: Familias
Publicado: 2025
Autoría: Anna Balcells-Balcells (FPCEE Blanquerna, URL) Natasha Baqués (FPCEE Blanquerna, URL) Climent Giné (FPCEE Blanquerna, URL) Marta Gràcia (Universitat de Barcelona, UB) Joana M. Mas (FPCEE Blanquerna, URL) Anna Sala Bubare (FPCEE Blanquerna, URL) Cecilia S
Editorial: Plena inclusión España. Avda. General Perón 32, 1º, 28020, Madrid
Coordina: Climent Giné y Joana M. Mas
Financiación: Fundación ONCE
Publicación para: familias , profesionais
Organización: FADEMGA Plena inclusión Galicia
Descrición:
A escala ENF-E (>18) consta de 4 partes:
A primeira parte céntrase na identificación das necesidades da familia. Trátase dunha
escala de 59 ítems articulados ao redor de oito dimensións:
1. Benestar familiar
2. Economía familiar
3. Aprendizaxe e apoio á persoa con DID
4. Servizos e apoios
5. Vida independente
6. Empoderamento familiar
7. Descanso e lecer
8. Relacións sociais
A familia responde avaliando canta necesidade de axuda ten un ou máis membros da
súa familia para poder realizar cada unha das tarefas ou actividades. As opcións de resposta
inclúen un abanico que vai desde 1 –“Ningunha necesidade” ata 5 – “Necesidade moi alta”.
A segunda parte céntrase na identificación e priorización das 5 tarefas ou actividades que
se perciben como necesidades máis urxentes e ordenalas segundo as súas prioridades. Identifícanse
a partir dos ítems que recibiron as puntuacións máis altas na 1ª parte da escala (4
e 5 = necesidade alta ou moi alta); aínda que pode incorporar algunha necesidade prioritaria que non
fose identificada anteriormente.
A terceira parte oriéntase á definición do tipo de apoio que a familia pode considerar máis
adecuado para dar resposta a cada unha das necesidades priorizadas; poden escoller entre
catro tipos de apoios (emocional, informativo, loxístico e económico) e pode engadir outros tipos
de apoios ou recursos que poden ser de utilidade e que non se recollen nas opcións anteriores.
Por último, na cuarta parte pregúntase á familia que responda a un conxunto de preguntas
relacionadas coa persoa que responde a escala, a súa familia e o familiar con DID.
A escala pode ser administrada en dous formatos: en papel e en formato electrónico. O
formato electrónico dispón dunha aplicación informática que permite responder tanto cada
unha das partes da escala como obter a puntuación resultante da primeira parte da
escala de ENF-E (>18).
