Informe de resultados da enquisa sobre vacacións

Datos Xerais:

Categoría: Ocio

Publicado: 2024

Publicación para: profesionais

Organización: FADEMGA Plena inclusión Galicia

Tema: Cultura

Descrición:

En 2023 a Rede Estatal de Lecer acordou desenvolver un pequeno estudo para saber 
a opinión das persoas con discapacidade intelectual ou do desenvolvemento sobre as súas 
vacacións, coñecer que queren e que necesitan e poder mellorar os apoios 
que presta o movemento asociativo Plena inclusión. Para iso elaborouse un 
cuestionario que recolle información básica sobre a persoa que contesta, sobre 
as súas viaxes e as súas vacacións que se difundiu a través das federacións 
autonómicas de Plena inclusión.  
Este documento recolle os resultados desta enquisa na que participaron 
870 persoas con discapacidade intelectual ou do desenvolvemento de 11 comunidades 
autónomas de Plena Inclusión. 
Os resultados achegan información sobre con quen viaxan, cantas veces viaxan, 
as necesidades de apoio que teñen para viaxar e se iso supón unha maior 
limitación á hora de planear as súas vacacións. 
Tamén sobre os seus intereses e preferencias, sobre as datas do ano e o medio 
de transporte que prefiren, que cousas que lles gusta facer e cales non, con quen 
queren viaxar e onde aloxarse, e sobre que cuestións deciden elas e 
sobre cales a súa familia e as persoas de apoio das entidades.