Servizo xurídico
O noso Servizo Xurídico está orientado a informar e aconsellar ás persoas con discapacidade intelectual e as súas familias nas dúbidas que podan ter en temas como patrimonio protexido, as herdanzas ou mesmo sobre a Lei pola que se reforma a lexislación civil e procesal para o apoio ás persoas con discapacidade no exercicio da súa capacidade xurídica.
TIPOS DE CHARLAS
Dentro deste servizo, a Federación ofrece varias modalidades:
- As charlas xurídicas: con estas charlas pretendemos achegar temas xurídicos de relevancia dun xeito ameno e próximo ás persoas con discapacidade intelectual e/ou do desenvolvemento e ás súas familias. Aquí podes descargar a ficha para solicitar a charla xurídica.
- As consultas individuais: estas consultas están pensadas para resolver dúbidas persoais tanto das propias persoas con discapacidade intelectual como das súas familias. Aquí podes descargar a ficha para solicitar a consulta individual.
- Charlas formativas: trátase de charlas para sensibilizar e empoderar ás persoas con discapacidade intelectual e ás súas familias de cara a previr situacións de abuso, discriminación e revictimización. Asemade, informamos ás persoas con discapacidade, ás súas familias e aos profesionais de entidades sobre o novo modelo de apoio á toma de decisións e sobre a figura do facilitador procesal.
Nestas sesións as persoas formadoras son tanto profesionais da Federación como persoas con discapacidade intelectual expertas pola experiencia. Aquelas asociacións interesadas, podedes contactarnos en areasocial@fademga.org.
CONVOCATORIA DO SERVIZO XURÍDICO 2025
Nesta ligazón podes descargar toda a información sobre o Servizo xurídico.
Aquí podes descargar a ficha para solicitar a charla xurídica.
Aquí podes decargar a ficha para solicitar a túa consulta individual.
