Poñemos en marcha novos obradoiros para apoiar o dereito ao voto das persoas con discapacidade intelectual
As entidades interesadas poden solicitar ata o 26 de outubro os obradoiros, que se desenvolverán durante o mes de novembro.
FADEMGA Plena inclusión Galicia
14-10-2026A maquinaria electoral volve poñerse en marcha e en FADEMGA queremos que todas as voces conten. Por iso, con motivo das eleccións xerais, lanzamos unha nova edición dos obradoiros «O teu votoconta: eleccións xerais 2026», unha iniciativa para apoiar ás persoas con discapacidade intelectual ou do desenvolvemento á hora de exercer o seu dereito ao voto. Porque participar tamén é poder decidir, expresar o que queremos e ter voz nos asuntos que nos afectan. E contar cos apoios necesarios é fundamental para facelo.
Os obradoiros celebraranse durante o mes de novembro, terán unha duración de dúas horas e estarán dirixidos a grupos de entre 6 e 12 persoas con discapacidade intelectual ou do desenvolvemento.
As datas propostas son o 16, 20, 23, 24 e 25 de novembro.
Descarga aquí toda a información sobre os obradoiros e como solicitar un na túa entidade.
Queredes organizar un obradoiro na vosa entidade?
Só tedes que cubrir este formulario de solicitude ata o 26 de outubro.
O 28 de outubro comunicarémosvos por correo electrónico se a solicitude foi admitida.
Nese mesmo correo confirmaremos a data e o horario do obradoiro e enviaremos a ligazón para inscribir as persoas participantes.
Se tedes algunha dúbida, escribídenos a areasocial@fademga.org ou chamádenos ao 981 51 96 50.
