FADEMGA recibe unha axuda da Deputación de Ourense para reforzar os seus Servizos de Emprego

Esta axuda permitirá reforzar a orientación laboral e o apoio ao emprego de persoas con discapacidade intelectual na provincia

FADEMGA recibe unha axuda da Deputación de Ourense para reforzar os seus Servizos de Emprego
imaxe de FADEMGA Plena inclusión Galicia
FADEMGA Plena inclusión Galicia
02-07-2026

A Deputación de Ourense vén de publicar a resolución definitiva pola que concede a FADEMGA Plena inclusión Galicia unha axuda de 6.000 euros para o proxecto “Servizos de Emprego para Persoas con Discapacidade Intelectual ou do Desenvolvemento de Ourense-2026”.

Esta achega permitirá continuar impulsando actuacións de orientación laboral, apoio á procura de emprego, acompañamento ás persoas participantes e colaboración co tecido empresarial e cos recursos públicos da provincia.

O obxectivo do proxecto é mellorar a empregabilidade das persoas con discapacidade intelectual ou do desenvolvemento, favorecendo a súa participación no mercado laboral e avanzando cara a unha maior autonomía e inclusión sociolaboral.

Dende FADEMGA Plena inclusión Galicia agradecemos o apoio da Deputación de Ourense a unha iniciativa que contribúe a abrir oportunidades reais de emprego para as persoas con discapacidade intelectual ou do desenvolvemento.

Emprego 2026

Fai un comentario

PROTECCIÓN DE DATOS: Regulamento (UE) 2016/679 RGPD e LOPDGDD 3/2018. FADEMGA PLENA INCLUSIÓN GALICIA (FEDERACIÓN GALEGA DE ASOCIACIÓNS EN FAVOR DAS PERSOAS CON DISCAPACIDADE INTELECTUAL OU DO DESENVOLVEMENTO), como responsable do tratamento, tratará os seus datos para promocionar a súa actividade e avaliar a calidade dos seus servizos. Poderá exercitar os dereitos de acceso, rectificación e supresión dos datos, entre outros, tal e como se explica na información adicional que está á súa disposición no apartado de Política de Privacidade.