Abrimos convocatoria para os viaxes IMSERSO
Xa podes consultar os destinos dispoñibles para este ano
FADEMGA Plena inclusión Galicia
26-02-2026O lecer e o tempo libre son dimensións fundamentais para o desenvolvemento persoal e para a participación plena na comunidade. Non se trata só de desfrutar, senón de exercer un dereito ligado á calidade de vida e á inclusión social.
Dende FADEMGA Plena inclusión Galicia levamos anos promovendo a participación das persoas con discapacidade intelectual no Programa de Vacacións IMSERSO, garantindo que cada proposta teña en conta as súas preferencias, intereses e necesidades de apoio. A través deste programa buscamos xerar oportunidades de lecer en contornas normalizadas, fomentando a convivencia entre persoas con e sen discapacidade e fortalecendo redes de apoio natural na comunidade.
A convocatoria para solicitar destinos este 2026 xa está aberta, e podedes presentar a documentación ata o vindeiro 12 de marzo.
Se tes dúbidas á hora de xestionar a solicitude, podes chamar ao 981 51 96 50 ou escribir a ocio@fademga.org.
Aquí podes descargar a documentación coas instrucións, os destinos e os formularios necesarios:
Anexo 1. Compromiso de participación
* Aquelas persoas que fagades a solicitude de maneira indivual (é dicir, que non pertenzades a ningunha entidade federada) podedes contactar coas nosas delegacións.
VACACIÓNATE!
