Grupo de discapacidade intelectual e saúde mental

O Grupo de traballo de Discapacidade Intelectual ou do Desenvolvemento e Saúde Mental de FADEMGA Plena inclusión Galicia está formado por profesionais de distintos ámbitos: psicoloxía, psiquiatría, traballo social, educación, pedagoxía e outros perfís.

Somos persoas de diferentes entidades e puntos de Galicia, con experiencia directa no acompañamento a persoas con discapacidade intelectual e problemas de saúde mental.

Traballamos dende a cooperación, sen xerarquías, compartindo coñecemento e aprendendo xuntas para dar mellores respostas.

O NOSO OBXECTIVO

Traballamos para que as persoas con discapacidade intelectual e problemas de saúde mental, e as súas familias, teñan unha atención adecuada, coordinada e centrada na persoa.

En concreto, buscamos:

- Ser un espazo de apoio e referencia para profesionais.

- Mellorar a formación e compartir boas prácticas baseadas na evidencia.

- Favorecer a coordinación entre o ámbito social e o sanitario.

- Dar visibilidade a esta realidade e ás necesidades detectadas.

QUE FACEMOS?

- Reunións periódicas para analizar casos e compartir criterios.

- Pequenos espazos de formación interna e intercambio de experiencias.

Identificación de necesidades e barreiras nos servizos.

Organización do Seminario de Discapacidade Intelectual e Saúde Mental.

Elaboración de materiais prácticos para mellorar a intervención.

QUERES FORMAR PARTE?

Se es profesional do ámbito social, educativo ou sanitario e tes interese na discapacidade intelectual e na saúde mental, este grupo tamén pode ser o teu espazo!

Cada achega conta e pode marcar a diferenza na vida de moitas persoas.

Podes escribirnos neste formulario amosando o teu interese en participar. 

Aquí podes descargar máis información sobre o programa.